ҚАЛҚОНОЛДИ БЕЗИ ВА СУЯК МЕТАБОЛИЗМИДА КАЛЬЦИЙ – ФОСФОР АЛМАШИНУВИ БУЗИЛИШЛАРИ

Қалқонолди безлари анатомияси ва физиологияси.Фосфор-кальций алмашинуви Анатомияси ва физиологияси. Қалқонолди безлари қалқонсимон безнинг капсуласидан ташқарида унинг орқасида жойлашган, думалоқ шаклга эга бўлиб, диаметри 5 мм гача, вазни эса 0,5 граммга

Қалқонолди безлари анатомияси ва физиологияси.Фосфор-кальций алмашинуви Анатомияси ва физиологияси. Қалқонолди безлари қалқонсимон безнинг капсуласидан ташқарида унинг орқасида жойлашган, думалоқ шаклга эга бўлиб, диаметри 5 мм гача, вазни эса 0,5 граммга тенг. Одатда инсонда икки жуфт қалқонолди бези мавжуд (юқори ва пастки). Қалқонолди бези сони ва жойлашиши бўйича турлича ўзгариши, айрим ҳолларда 12 жуфтгача бўлиши мумкин. Қўшимча қалқонолди безлари қалқонсимон ва айрисимон безлари тўқимасида, олдинги ва орқа Кўкс оралиғида, перикардда, қизилўнгач орқасида, умумий уйқу артерияси бифуркацияси соҳасида учрайди. Қалқонолди безларининг қон билан асосан қалқонсимон артериянинг тармоқлари билан таъминланган. Шу сабабли қалқонсимон безда ўтказиладиган хирургик муолажаларда қон кетиш асорати юзага келиши мумкин.Без паренхимаси паратиреоцитлардан иборат бўлиб, асосий бўёқлар билан бўялувчи асосий ҳужайралар ва оксифил ҳужайралардан ташкил топган. Асосий паратиреоцитлар - гормонал актив ҳужайралар бўлиб, қуйидагиларга бўлинади: оч ҳужайралар кўпроқ болаларда учраб, кўпгина бўёқларга ёмон бўялади (кучсиз базофил) ва тўқ ҳужайралар кўпроқ 74-расм.Қалқонолди безининг орқадан кўриниши. катталарда учрайди (асосий бўёқлар: нордон ва темирли гематоксиллинга бўялади). Оксифил паратиреоцитлар гормонал нофаол бўлиб,10 ёшда пайдо бўлади. Қалқонолди безининг асосий гормони – паратгормон бўлиб, у битта аминокислотали занжирдан иборат полипептид, 84 та аминокислота қолдиғидан ташкил топган ва молекуляр оғирлиги 9500га тенг. Паратгормон кальций алмашинувини бошқаришда қатнашади. Агар кальций миқдори камайса, гормон секрецияси ошади, кальций миқдори ошса - тормозланади. Худди шундай таъсирни магний ҳам жуда катта микдорларда амалга оширади. Қондаги умумий кальций миқдори 1,8-2,0 ммоль/л гача камайса, паратгормонни ишлаб чиқарилиш тезлиги 5 маротаба ошади. Паратгормонни секрецияси β-адренергик агонистлари ва Н2-гистамин рецепторлари таъсири остида амалга ошади. Кальцийга эҳтиёж ошганда қалқонолди бези фаолияти бир неча бор кучаяди. Шу билан бир қаторда паратгормоннинг пульсирловчи, кечаси ишлаб чиқарилувчи хусусияти ҳам аниқланган. Фосфор-кальций алмашинуви Паратгормон қондаги ионланган кальцийнинг миқдорини қуйидаги хусусиятларига биноан белгилайди: биринчидан, паратгормон остеокластларга бевосита таъсир қила туриб, суяк тўқимасидан кальцийни ажралишини таъминлайди ва айнан плазмада кальций ва фосфор миқдори ошади. Паратгормон таъсири остида остеокластлар сони ва фаоллиги ошади, яъни остеобластларни рецепторларига бевосита таъсир қила туриб, маҳаллий тўқима омилларини оширади, бу эса ўз ўрнида остеокластларни ўтмишдош ҳужайраларини фаоллаштиради. Паратгормоннинг суякка қиска муддатли ва узоқ муддатли таъсири турлича: қисқа узлукли таъсири суякнинг ҳосил бўлишига, узоқ узлуксиз таъсири эса суякнинг деструкциясига олиб келади. Паратгормоннинг миқдори ошиб кетиши манфий суяк балансини юзага келтириб, бу эса ўз навбатида оксипролин миқдорини кўп ажралишига олиб келади. Иккинчидан, паратгормон буйрак каналчаларига таъсир кўрсатиб, фосфатнинг реабсорбциясини пасайтиради ва фосфатурияга олиб келади. Бундан ташқари, паратгормоннинг фосфор-кальций алмашинувига билвосита таъсири буйрак каналчаларида 1-α-гидроксилазани самарадорлигини ошириши билан боғлик, буни оқибатида 25- оксихолекальциферолдан актив 1,25- диоксихолекальциферол [1,25-(OH-D3, кальцитриол] (кальцитриол) ҳосил бўлиши билан тушунтирилади. Кальцитриол паратгормонга синергист бўлиб, кальций заҳирасига таъсир қилади. Унинг таъсири, биринчи ўринда, ичакдан кальцийнинг сўрилишини оширади ва буйрак коптокчаларидан реабсорбциясини кучайтиради. Кальцитриол дефицити ва уни метаболизми ёки уни рецепторларининг сезгирлигини бузилиши остеопорознинг кўпгина турларида асосий патогенетик ўрин тутади. 75-расм.Партгормон синтези ва таъсири Кальций алмашинуви бошқарилишида яна асосан қалқонсимон безнинг С- ҳужайралари ишлаб чиқарувчи кальцитонин гормони ҳам аҳамиятга эга. Кальцитонин 32та аминокислотадан иборат пептид гормондир. Остеокластлар фаоллигини пасайтириб, кальцитонин суяк матрикси резорбциясини тормозлаши ҳисобига кальций ва фосфатнинг ажралишини камайтиради. Кальцитонин ва паратгормон секрецияси миқдори қайтар боғлиқликка эга. Кальцитонин секрециясининг асосий стимулятори – бу қондаги ионлашган кальций концентрациясининг ошиши, ингибитори бўлиб эса қондаги кальцийнинг миқдорини пасайиши ҳисобланади. Шуниси қизиқарлики, қалқонсимон без (парафолликуляр ҳужайралар билан) инсонда ва ҳайвонларда олиб ташланса, гиперкальциемия ривожланмайди, соғлом одамларга кальцитонин вена ичига юборилса, қонда кальций миқдорининг камайишига ҳам олиб келмайди. Нормада инсон бир кун мобайнида 25 ммоль (1гр) кальций истеъмол қилади. 25%дан 50%гача кальций 1,25-диоксихолекальциферол иштирокида сурилади. Кальций ва фосфорнинг физиологик миқдори тор чегараларда тебранади: кальцийнинг пастки меъёрий чегараси 2 ммоль/л бўлиб, юқори чегараси эса 2,8 ммоль/л га тенг. Қон плазмасида кальций иккита асосий шаклида бўлади. Кальцийнинг альбумин билан боғланган фракцияси умумий кальций миқдорининг ярмидан камини ташкил этади. Биологик фаол бўлиб эркин (ионлашган) кальций ҳисобланади. pH муҳитининг ошиши эркин ионлашган кальцийни ўз тузларидан ажралишини камайтиради. Қон зардобида pH нинг ошиши кальцийнинг оқсиллар билан боғланишига олиб келади, шунинг учун алкалозда эркин ионлашган кальцийнинг умумий кальцийга нисбати пасаяди ва бу ҳолларда эса тетания ривожланиши мумкин, лекин шунга қарамасдан кальцийнинг умумий миқдори меъёрий чегарасида қолади. Узоқ муддат ацидоз кузатилганда суяк тўқимасининг эрувчанлиги ошади ва бу ўз ўрнида кальцийнинг сийдик билан чиқиб кетишига олиб келади. 76-расм.Кальций алмашинуви Гипокальциемия дарҳол паратгормон синтези ва секрециясини стимуллайди, натижада кальций суяк тўқимасидан қонга ўтади, фосфорни сийдик билан экскрецияси ошиб, кальций ва фосфорнинг нормал нисбати таъминланади. Бир қатор гормонлар: глюкокортикоидлар, ўсиш гормони, глюкагон, андроген ва эстрогенлар қонда кальций миқдорини камайишига олиб келади.Шу сабабли бир қатор патологик жараёнлар кальций алмашинувининг бузилиши билан кечиши мумкин. Организмдаги кальцийнинг асосий 99% и суякларда жойлашган. Суяк тўқимаси динамик равишда доимий алмашиб турувчи тизим ҳисобланади, яъни инсоннинг бутун умри мобайнида кайта тикланиш жараёни кузатилади: эски суякнинг парчаланиши – суяк резорбцияси ва янги суяк ҳосил бўлиши – ёки шаклланиши. Суяк тўқимаси суяк элементларидан, суяклараро модда, яъни суяк матрикси ва минерал компонентлардан ташкил топган. Суяк матрикси коллаген фибриллалардан ташкил топган бўлиб, бир хил йўналишга қаратилган. Суяк тўқимаси таркибида қуйидаги ҳужайралар мавжуд: Остеобластлар – базофил цитоплазмали, оқсил синтезлаш хусусиятига эга бўлган (суяк ҳосил қилувчи ҳужайралар) йирик ҳужайралар ҳисобланади; Остеокластлар – гигант кўп ядроли ҳужайралар бўлиб, лизосомал ферментлар ҳисобига суяк тўқимасини емиради; Остеоцитлар – метаболик нофаол суяк ҳужайралари бўлиб, чуқур кичик остеоцитли лакуналарда жойлашган, улар остеобластларнинг бир қисмидан ҳосил бўлади. 77-расм. Нормал суякда ремоделланиш жараёни (Allolio B.1996) Ремоделланиш жараёни 5та фазадан иборат: Катта ёшдаги соғлом одамлар организмида “тинч” босқичда 80% трабекуляр ва 95% кортикал суяк тўқимаси бўлади. “Фаоллик” босқичида эса ҳар бир суяк майдонида 2 – 3 йиллик интервал орасида кечади, бу эса гемопоэтик тўқимада остеокластларни ўтмишдошларини пролиферацияси ва фаоллашишини, резорбцияланувчи майдон юзасига кўп ядроли остеокластларнинг тушиши ва жипслашишини ўз ичига олади. Навбатдаги “резорбция” босқичи 1 – 3 ҳафта давом этади. Бу жараёнда суякнинг ноорганик суяк матрикси эриб, кейинчалик органик қисми чиқарилади, бу ҳол резорбция майдонларига водород ионларини ва остеокластларни лизосомал ферментларини тушишини таьминлайди. “Ўтиш” босқичида (1 – 2 ҳафта давом этади) резорбцияланган бўшлиқда остеобластлар ҳосил бўлади. “Суякни янгидан ҳосил бўлиш” босқичи (остеоиднинг ҳосил бўлиши) остеобластларни суяк матриксига кунига 2 – 3 мкм тезликда жойлашиши билан бошланиб, 5 – 10 кундан сўнг минераллашади. Суяк ҳосил бўлиш жараёни 3 ой давом этади, суякнинг бутунлай янгиланиш цикли 4 – 8 ой давом этади. Суякнинг умумий янгиланиши йилига 4 – 10% ни ташкил этади. Суяк массаси шаклланишининг юқори босқичи ўртача 20 ёшларга тўғри келади, сўнг нисбатан тенглик (плато) даври келади, 30 – 40 ёшдан физиологик суяк массасининг йилига 0,3 – 0,5%и тезликда йўқотилиши бошланади. Аёлларда менопауза давридан бошлаб суякни йўқотиш йилига 2 – 5% га тезлашади, бу жараён шундай тезликда 60 – 70 ёшгача давом этади. Ёшга хос суяк тўқимасида минерал алмашинув ўзгаришлари: (а) аёллар, (б) эркаклар, (Боневольская Л.И 1998) Аёллар бутун умри давомида 35% кортикал ва 50% трабекуляр суяк массасини йўқотади. Эркакларда эса суяк массасининг йўқотилиши 15 – 20% кортикал ва 20 – 30% трабекуляр суякка тўғри келади. Фосфор – кальций алмашинувини бошқарувчи гормонларнинг биосинтези ва секрецияси Паратгормон қалқонолди безида 115 та аминокислота қолдиғидан иборат ўтмишдоши препропарат гормондан ҳосил бўлади. Кейинчалик 25 та аминокислота қолдиғини ажралиши оқибатида пропаратгормон ҳосил бўлади, у эса ўз ўрнида паратгормондан N – охирги гексапептиди билан фарқ қилади. 79-расм.Витамин Д3 гидроксилланиши ва хосил булиши. Инсон паратгормонининг биологик фаоллиги аминокислота занжиридаги 1 – 29, 1 – 34 ва 53 – 84 фрагментлар билан боғлиқ.. Қонда гормон 3 та асосий шаклда айланади: молекуляр массаси 9500 га тенг бўлган интакт паратгормон, биологик актив карбоксилли фрагмент - мол. массаси 7000 – 7500, мол. массаси 4000 га тенг бўлган биологик актив фрагмент. Улар жигар ва буйракларда ҳосил бўлади. Паратгормоннинг асосий таъсири унинг ҳужайра мембрана рецепторлари билан боғланиб, нишон-хужайрадаги аденилатциклазани фаоллаштириб хужайра ичидаги цАМФ миқдориини кўпайтирувчи ва кальций фосфор транслокациясини ўзгартириши билан белгиланади. Паратгормон аденилатциклазани фаоллаштиргани сабабли, нормадан цАМФ ошади, шунинг учун паратгормон юборилганда цАМФ ошиши паратгормонга сезгир маркер ҳисобланади. Холекальциферол (витамин Д3) ультрабинафша нурлар таъсирида 7 – дегидрохоле-стеролдан терида (эпидермиснинг мальпигий қаватида) ҳосил бўлади. Соғлом катта одамларда витамин Д озиқ маҳсулотлари (ёғ, балиқ жигари, тухум сариғи) дан кўра кўпроқ теридан ҳосил бўлади. Кейинчалик холекальциферол Д – боғловчи оқсил билан жигарга тушади. Жигарда холекальциферол 25-гидроксилаза иштирокида 25 – оксихолекальциферолга айланади (25 – OH – Д3), бу витамин қон ўзанида Д – боғловчи оқсил билан бирга айланиб юради. Буйракнинг проксимал эгри – бугри каналчаларини митохондрияларида 1- гидроксилаза таъсирида 25 – оксихолекальциферол C1 – ҳолатда гидроксилланиб, биологик актив 1,25 – диоксихолекальциферолга [1,25 – (OH)2 – Д3 айланади. Плазмада кальцитриолнинг ошиши 1- гидроксилаза фаоллигини тормозлаб 24 – гидроксилазани фаоллаштиради, натижада 25 – OH – Д3 дан 1,25 – (OH)2 – Д3 эмас, балки, биологик фаол бўлмаган ножуя маҳсулот 24, 25 – (OH)2 Д3 ҳосил бўлади. 1 -  гидроксилазани турғун стимулятори бўлиб, эстрогенлар, андрогенлар, прогестерон ҳисобланади. 1,25 – (OH)2 – Д3 нинг ҳужайра даражасида таъсири худди стероид гормонлардек. Кальцитриол рецептори (ичак эпителийсидан ажратиб олинган) молекуляр массаси 90000 – 100000. Энтероцитларнинг ядроли рецепторига таъсир эта туриб, кальцитриол кальций боғловчи оқсил синтезини стимуллайди, бу эса ўз ўрнида кальций ионларини ичак юзасидан хужайра ташқарисидаги муҳитга ташийди. Бу гормон фосфор – кальций алмашинувини бошқарувчи гормон эканлиги бир неча бор такрорланди. Кальций рецепторини ҳосил қилувчи ген 3 чи хромосоманинг 3q13.3 – q21 регионида жойлашган, бундан ташқари 19 (19 p ва 19 q 13) да кальций – фосфор алмашинувини бошқарувчи ген жойлашган. Қалқонолди безида ва буйракларда кальцийга сезгир рецепторларнинг аниқланиши, шу аъзоларнинг кальцийга таъсирини аниқлашга имкон бўлди. Рецептор G– оқсил тутувчи оилага киради, протеинлипазани фаоллаштириб, аденилатциклазани ингибирлайди. Қалқонолди безида паратгормоннинг секрециясини ингибирловчи медиатор ҳисобланади, шунингдек паратгормон генининг экспрессиясига ва гормонал – фаол тўқима пролиферациясига ҳам таъсир кўрсатади. Буйракларда рецептор кальцийнинг ва магнийнинг каналчали реабсорбциясига, шунингдек гиперкальциемияда буйракларнинг концентрацион хусусияти бузилишига жавоб беради. Коллаген ҳосил бўлишини кодловчи ёки витамин Д нинг рецепторини кодловчи генларнинг структурасини бузилиши остеопорозга оилавий мойилликни изоҳлайди. 80-расм. Қалқонолди бези касалликлари ва фосфор – кальций алмашинуви бузилишлари ва остеопенияли беморларда текширув усуллари Физик усуллар:Фосфор – кальций алмашинуви бузилган беморларда физикал текширувлар алоҳида эътиборни талаб қилади. Умумий кўрикда албатта бўй, тана вазни, умумий ҳолат ва тери ранги, скелет деформациялари, қадам ташлаш ўзгаришларига аҳамият бериш лозим. Шуни таъкидлаш жоизки, псевдогипопаратиреоз учун хос бўлган паст бўй, думалоқ юз ёки хондродистрофия учун хос бўлган скелет пропорциясида типик остеомаляция ёки гиперпаратиреозда “ўрдаксимон юриш”га, яширин псевдогиперпаратиреозда якка симптом бўлиб, кўрганда оёқда бармоқларнинг қисқаришига аҳамият бериш лозим. Кўпгина синишларда гиперпаратиреознинг суяк шаклини ўйлаш лозим (Реклингхаузен касаллиги). Суякка уриб кўрилганда специфик “тарвуз товуши” эшитилади. Бўйин кўрилганда қалқонсимон без пайпасланади, лимфатик тугунлари кўрилади. Айрим ҳолларда паратирома (қалқонсимон олди бези ўсмаси) пайпасланиши мумкин. Гиперпаратиреозли беморларда тери қоплами “қорамтир ер” рангида, псевдогипопаратиреозда тери ости ёғ қаватида кальцинатлар пайпасланади. Тетаник хуруж вақтида бемор қўли ўзига хос шаклга киради (“акушер қўли”). Қўлнинг тоник талвасасини тонометр манжети билан елка соҳаси 3 мин давомида сиқилганда (нерв – томирли тутами) келтириб чиқариш мумкин ( Труссо симптоми). Яширин тетанияда ва гипомагниемияда юз нервининг чиқиш жойи уриб кўрилганда оғиз бурчагини, бурун қанотларини, кўз бурчагини талвасавий тортишишларини кўриш мумкин (Хвостек симптоми), кўз соққасини ташқи қирғоғи уриб кўрилганда кўзнинг думалоқ мушагини қисқариши чақирилади (Вейс симптоми). Лаборатор усуллар. Фосфор – кальций алмашинувини базис текширув усулларига қонда умумий ва ионлашган кальций, фосфорнинг миқдорини, эрталабдаги сийдикда кальций ва фосфорнинг креатининга нисбатини аниқлаш ҳисобланади. Гиперкальциурия кальцийнинг суткалик экскрецияси ошса (250 мг дан кўп аёлларда ва 300 мг эркакларда 1000 мг кальций суткасига қабул қилинганда) ҳисобланади. Эрталабки сийдикда кальций ва фосфорни аниқланиши ҳам кўп маълумот берувчи усуллардан бири ҳисобланади, бу ҳолатда экзоген кальцийни овқат билан бирга тушиши таъсир қилмайди. Умумий кальций миқдорининг 2,1 ммоль/л дан (норма 2,1 – 2,6 ммоль/л) кам бўлиши интенсив даволаш палаталаридаги беморларнинг деярли 50% ида учрайди. Бундай ҳолатда ионлашган кальций миқдори 10%дан ҳам кам. Псевдокальциемия деганда гипопротеинемия ҳолатида умумий кальций миқдорининг плазмада камайишига айтилади. Кўрсатиб ўтилганидек, ацидоз ҳолатида ионлашган кальций фракцияси ошиб боради, алкалозда эса камаяди.Паратгормон 25 – OH – Д3 ва 1,25 – (OH)2 – Д3 билан фаоллиги бир хил даражада коррекцияланадиган ишқорий фосфатазанинг суяк фракцияси текширилади. Суяк ҳосил қилувчи ва суяк резорбциясининг бошқа маркерларини текшириш ҳам аниқ усуллардан ҳисобланади. 61-жадвал. Суяк ҳосил қилувчи ва суяк резорбцияси маркерлари Суяк ҳосил қилувчи маркерлар Суяк резорбцияси маркерлари Умумий ишқорий фосфатаза Суяк ишқорий фосфатазаси Остеокальцин I типдаги одам коллаген пропептиди (PICP) Оксипролин (сийдик билан экскрецияси) Коллагенли кесишувчи гуруҳлар Пиридинолин (сийдик билан экскрецияси) Деоксипиридинолин Телопептиднинг N – охири Тартратрезистентли ишқорий фосфатаза 81-расм. Турли касалликларда кальций ва паратгормон таркибининг ўзаро муносабатлари( Ehlenz K 1995). 1-яққол бирламчи гиперпаратиреоз, 2- гиперкальцемия, паратгормон миқдори нормада, 3- паратгормон миқдори юқори бўлганида кальцийни чегарагача ортиши.4 – иккала кўрсаткични чегарали кўтарилиши. Қалқонолди бези фаолиятини баҳолашда тўғри ва энг тўлиқ усуллардан бири бўлиб, паратгормон миқдорини аниқлаш ҳисобланади. Кальцитонин ва витамин Д нинг фаол метаболитлари маълум кўрсатмаларга кўра баъзи лабораторияларда текширилади. Кўрсатмага кўра (ёмон сифатли ноэндокрин ўсма натижасидаги гиперкальциемияга шубҳа бўлганда) айрим ёмон сифатли ўсмалардан ажралувчи паратгормон боғловчи пептид – оқсил аниқланади. Инструментал текширувлар. Қалқонолди безини эхолокацион, МР – томографик, КТ – текширув, шунингдек селенметионин ва октреотид билан сканерлаб ёки бир вақтнинг ўзида радиоактив таллий ёки технеций билан (атипик жойлашганлигини билиш мақсадида) текшириш мумкин. Шубҳа қилинган ташхисга кўра, скелет суякларни рентгенологик текширув орқали ўрганиш мумкин. Гиперпаратиреозга шубҳа бўлганда найсимон суяклар ва кафт суяклари рентгенологик текширилади. Бундай ҳолатда суякусти остеолизининг аниқланиши ва/ёки кафтга характерли ўзгаришлар аввал гиперпаратиреознинг ишончли маркерларидан бири ҳисобланган бармоқ фалангаларининг қисқариши – псевдогипопаратиреоз учун хос бўлган муҳим белги ҳисобланади. Остеопороз ва остеопения ташхисини қўйиш учун энг кенг тарқалган усуллардан бири скелет рентгенограммасига қараб баҳолаш ҳисобланади. Стандарт рентгенография усули остеопорозни етарли тарзда аниқлашга ёрдам беради ва найсимон суяк диафизидаги кортикал қаватнинг юпқалашиши ва суяк индекси (суяк диаметри ва кортикал қисм қалинлигини нисбати)ни ўзгаришига асосланиб остеопорознинг қай тарзда эканлигини баҳолаш мумкин. Лекин бу усул остеопорознинг яққол босқичларида сезгирлиги юкоридир ва динамикада ўзгаришларни кузатишга ноқулай хисобланади. Умуртқаларда (юмшоқ суякнинг устунлигида) остеопороз трабекуляр суръатнинг ўзгариши (кўндаланг трабекулаларнинг йўқолиши, вертикалларини гипертрофияси, “дағал вертикал трабекуляр нотекислиги” симптоми), бўғим ёриқларининг ёпилувчи пластинкаларининг контрастлигини ошиши ва юпқалашиши билан белгиланади. Умуртқа танасининг компрессион синиш белгиларидан, умуртқа танасининг баландлигини камайиши, понасимон ёки иккишохли деформациянинг пайдо бўлиши (“балиқ” умуртқалари) ўзига хосдир. Умуртқа танаси баландлигининг 4 мм дан кўпроқ пасайиши ташхис қўйилган дастлабки йилларга нисбатан остеопорознинг динамикада чуқурлашаётганидан далолат беради. Афсуски, остеопороз ташхиси рентгенологик усулда аниқланганда 20 – 30% суяк массаси йўқотилган бўлади. Остеопениянинг эрта диагностикасида суяк денситометрияси усулини қўллаш мумкин. Бу усул билан 2 – 5% га суяк массаси йўқотилганда, касаллик ривожланиши ёки даволаниш жараёнида суяк зичлигини динамикада баҳолаш мумкин. Яна изотоп усуллар (моно- ва 2 фотонли абсорбциометрия), рентген (моно- ва 2 энергетик абсорбциометрия, миқдорий КТ) ва ультратовуш текширув усуллари мавжуд. Монофотон, моноэнергетик ва ультратовушли денситометрия усуллари билан скелетнинг периферик қисмлари текширилади, бу эса скрининг ва дастлабки ташхис учун жуда қулай ҳисобланади. 2 энергияли рентген абсорбциометрия (ДЕХА) суякнинг барча исталган жойидаги минерал зичлигини, кальций тузлари, ёғ ва мушак массасини бутун организмда аниқлашда энг универсал усуллардан бири ҳисобланади. Бундай денситометрлар учун махсус стандарт (автоматик) дастурлар: бел умуртқалари, сон суягини проксимал қисми, елка суяги ва “бутун тана” учун дастурлари мавжуд. Суяк зичлигининг абсолют кўрсаткичлари билан бир қаторда (г/см2 , мг/см3 ) денситометрияда автоматик равишда Z – кўрсаткич (ёши ва жинсига кўра суяк тўқимасининг минерал зичлигининг ўрта кўрсаткичларига нисбатан) ва T – кўрсаткич (30 ёшдаги суяк зичлигини энг юқори кўрсатгичи билан солиштирмаси) аниқланади. Остеопения ва остеопороз кўрсаткичларини яққоллиги ЖССТ тавсиялари бўйича T – критерийга кўра баҳоланади. Суяк минерал зичлигининг 1 стандарт девиациядан (SД) кўра кўпроққа ошиши остеопения деб, 2,5 SД дан ошиши остеопороз деб баҳоланади. Замонавий денситометрлар остеопороз ташхисини, айниқса эрта босқичларда аниқлашга ёрдам беради. Лекин шуни эсда тутиш лозимки, улар тор доирада ихтисослаштирилган мосламалар бўлиб, суяк тўқимасини минерал тузлар билан тўйинганлигини нисбий баҳолайди. Суяк денситометриясида клиник ва рентгенологик маълумотлар ўзаро солиштирилганда, эътиборга олиш лозимки, остеопороз, деформацияланган спондилёз сколиоз билан бирга, юмшоқ тўқималар кальцификацияси ва синишлар текширилганда суяк зичлиги кўрсаткичларининг ошиши томонга ҳал бўлади. Остеоденситометрияга асосланиб, нозологик ташхис қўйиш мумкин эмас ва у стандарт рентгенологик текширувни ҳам ўрнини боса олмайди. Остеопеник жараёнларда ноаниқ этиологияли дифференциал диагностикада ёнбош суякнинг катта ўсиғидан биопсия олиш муҳим роль ўйнайди. Бу усул билан остеомаляция ва остеопорозни фарқлаш, шунингдек суяк тўқимасини бошқа патологияларини аниқлаш мумкин, биоптатнинг гистоморфометрик текшируви эса суяк тўқимасида модда алмашинув турини аниқлашда ёрдам беради. Текширувнинг энг қийин босқичларидан бири паратироманинг топик ташхиси ҳисобланади ва у гиперпаратиреозга шубҳа бўлганда ўтказилади. Содда ҳолатларда эса паратирома ёки қалқонолди безини гиперплазияси қалқонолди безларини УТТ текширувидаёқ аниқланади, лекин кўп ҳолатларда бир қатор инструментал текширувлар ёрдамида аниқлашга тўғри келади, чунки 10% га яқин аденомалар атипик жойларда жойлашади. Ноинвазив усуллар ўз ичига 99 – технеций, йод – 131, 123 ни, 201 – талий билан бирга сканерлаш, шунингдек КТ ва магнит – резонанс томографик текширув усулларини олади. Барча бу усуллар 75% аниқ сезгир ва 10 – 30% сохта натижалар бериши мумкин. Инвазив усул паратгормонни аниқлаш мақсадида артериография ва селектив қон йиғишни ўз ичига олади (90% сезгир усул). 62-жадвал. Паратгормон секрецияси ва сезувчанлик бузилишига боғлиқ касалликлар таснифи Паратгормон секрецияси бузилишига боғлиқ касалликлар таснифи 1. Бирламчи гиперпаратиреоз Бирламчи турлари  Гиперфункцияловчи аденома (аденомалар)  Қалконсимон олди безларини гиперплазияси  Кўплаб эндокрин неоплазияларни I тури гиперпаратиреоз билан (Вермер синдроми)  Кўплаб эндокрин неоплазияларни II тури гиперпаратиреоз билан (Сиппл синдроми) Клиник турлари  Суяк  Остеопоротик  Фиброз-кистоз остеит  “Педжетоид”  Висцеропатик  Кўпроқ буйраклар жароҳатланиши билан  Кўпроқ ошқозон-ичак тракти жароҳатланиши билан  Кўпроқ нерв-асаб тизими жароҳатланиши билан  Аралаш тури Иккиламчи гиперпаратиреоз  Буйрак касалликлари: сурункали буйрак етишмовчилиги, тубулопатия (Олбрайт-Фанкони турида), буйрак рахити  Ичак касалликлари: мальабсорбция синдроми  Суяк касалликлари: синил, пуэрперал ва идиопатик остеомаляция, Педжет касаллиги  Dвитамини етишмовчилиги: буйрак ва жигар касалликлари, наслий ферментопатиялар  Хавфли касалликлар: миелом касаллиги 5.2. Гиперпаратиреоз Гиперпаратиреоз паратгормон гиперсекрецияси билан кечувчи касалликдир. Гиперпаратиреоз патогенетик жиҳатдан 3 турга бўлинади: бирламчи, иккиламчи, учламчи.  Бирламчи гиперпаратиреоз мустақил касаллик, иккиламчи ва учламчи гиперпаратиреоз синдром ҳисобланади ва бошқа касалликлар асорати сифатида ривожланади. Бирламчи гиперпаратиреоз - қалқонолди бези бирламчи касаллиги бўлиб, паратгормон гиперпродукцияси ва гиперкальциемия синдроми билан юзага чиқади.  Иккиламчи гиперпаратиреоз – узоқ вақт кечган гипокальциемия ва гиперфосфатемия натижасида қалқонолди бези компенсатор гиперфункцияси ва гиперплазияси натижасида келиб чиқади.  Учламчи гиперпаратиреоз – қалқонолди бези гиперплазияланган ҳужайралари паратгормоннинг автоном гиперпродукцияси ёки узоқ кечган иккиламчи гиперпаратиреоз туфайли қалқонолди бези аденомаси натижасида келиб чиқади. Гиперпаратиреоз классификацияси I. Бирламчи гиперпаратиреоз: - солитар аденома (80%) , кўплаб аденомалар (5%); - қалқонолди бези гиперплазияси (15%); - қалқонолди бези карциномаси (<5%); - бирламчи ва иккиламчи типдаги неоплазия синдромида келиб чиқадиган бирламчи гиперпаратиреоз. II. Иккиламчи гиперпаратиреоз: - нефроген; - буйрак функцияси сақланиши билан; - мальабсорбция синдроми кальций сўрилишининг бузилиши билан - жигар патологияси : цирроз( холекальциферолни 25-ОН-Д3 га айланишининг бузилиши), холестаз(холекальциферол резорбциясининг бузилиши) - витамин Д дефицити ( қуёш нури етишмовчилигида). БИРЛАМЧИ ГИПЕРПАРАТИРЕОЗ Бирламчи гиперпаратиреоз (БГП) бир йилда 100000 аҳолига 25 янги аниқланганлар нисбатида учрайди. 35 % БГП гиперкальциемия синдроми билан боғлиқ. Қандли диабет ва тиреотоксикоздан кейин БГП учинчи ўринда туради. Касаллик асосан 40-50 ёшда учрайди, аёлларда 2 баробар кўп учрайди ( 3% аёлларда постменопауза даврида учрайди). БГП кўпинча кеч аниқланади, Ф.Олбрайт бу касаллик симптоматикасидан ташхисни аниқлагунча 10 йил вақт ўтди, чунки, қондаги гиперкальциемия кўпинча аҳамиятсиз қолади. УАШ учун қонда қайта гиперкальциемия аниқланиши БГП ташхиси учун асос бўла олади. Гиперкальциемия ёши катталарда 0,5- 1,1% қайд этилади, асосан 50 ёшдан ошган аёлларда кузатилади. Этиологияси. Касаллик келиб чиқишининг асосий сабаби қалқонолди бези солитар аденомаси (паратирома), кам ҳолатларда полиаденома (5%), баъзан (<5%) қалқонолди бези саратони.Қалқонолди бези гиперплазияси 15 % беморда учрайди.Гиперпаратиреоз кўплаб эндокрин неоплазияларнинг иккала вариантида ҳам учрайди. БГП да МЭН-1 , МЭН-2 (феохромацитома, калконсимон без медулляр саратони, ҳужайра- оролчали ўсмалар ) ни аниқлаш учун скрининг тест ўтказилади. Патогенези. Паратгормон гиперпродукцияси буйраклар орқали фосфат чиқиб кетишига олиб келади.Плазмада фосфат миқдорининг камайиши кальцитриол синтезини стимуллайди, натижада Са2+ ни ичак орқали сўрилиши кучаяди. Жараённинг охирги босқичларида гиперкальциемия паратгормон таъсирида остеокластлар фаоллашуви туфайли кучаяди. Паратгормон ортиши суяк тўқимасида модда алмашинувининг кучайишига, суяк резорбцияси ва суяк ҳосил бўлишининг кучайишига олиб келади, лекин, янги суяк суяк хосил бўлиши уни сўрилишидан орқада қолади, натижада остеопороз ва остеодистрофия, суяклардан кальций ювилиши ва гиперкальциемия, гиперкальциурия юзага келади, натижада буйрак каналчалари эпителийси шикастланади ва буйракда тош ҳосил бўлишига олиб келади. Нефрокальциноз ўз навбатида буйраклар функциясини пасайишига олиб келади. 62-жадвал. Ошқозон ва ўн икки бармоқ ичак ярасининг ривожланишида қонтомирлар кальцификацияси ва артериосклерози, гиперкальциемия кузатилиши муҳим роль ўйнайди. Гиперкальциемия артериал қон босимини оширишдан ташқари чап қоринча гипертрофияси ва клапанлар, тож томирлар ва миокардиал кальцинатларга олиб келади. Патологоанатомик текширувда БГП оғир ва узоқ вақт кечганда суяклар юмшоқ бўлади, найсимон суяклар пичоқ билан осон кесилади, диффуз остеопороз кўпинча кисталар билан бирга келиши кузатилади. Кальцинатлар буйракда, мушакларда , миокардда , йирик артериялар қонтомирларида тўпланиши кузатилади. Клиник белгилари. Клиник кечиши турлича бўлиши мумкин. Ҳозирги вақтда 50% ҳолатларда БГП диагнози гиперкальциемиянинг тасодифий аниқланишида қўйилади. БГП симптоматикаси буйрак, суяк, нерв - мушак ва гастроинтестинал синдром билан кузатилади. Шунга асосланиб гиперпаратиреоз висцеропатик , суяк , нерв- психик ва аралаш формалари фарқланади. БГП оғир асорати гиперкальциемик криз ҳисобланади.(1- жадвал). 1-жадвал. Гиперпаратиреоз клиник белгилари. 82-расм. Бирламчи гиперпаратиреозда бармоқ суяклари рентгенограммаси. Бармоқ охирги фалангаларида субпериостал суяк резорбция белгилари. Буйрак симптоматикаси 40-50% ҳолатларда кузатилади. Чанқаш, полиурия ва сийдик нисбий зичлигини пасайиши гиперпаратиреозни эрта симптомлари ҳисобланади, лекин бу шифокорлар томонидан кўпинча қандсиз диабет деб баҳоланади. Антидиуретик гормонга (АДГ) рефрактер бўлган инсипидар синдром (полиурия, полидипсия, гипоизостенурия) массив гиперкальциурия натижасида буйрак каналчаларининг АДГ га сезувчанлигининг бузилиши ва сув реабсорбциясининг бузилишига Гиперпаратиреоид остеодистрофия: суякларда оғриқ, деформация, патологик синишлар Миопатия: мушаклар кучсизлиги, асосан оёқларда, мушаклар атрофияси Гиперпаратиреоз Диспепсик бузилишлар:анорексия, кўнгил айнаши, қусиш, ич қотиши, озиш Инсипидар синдром: полидипсия, полиурия Психика ўзгариши: депрессия, уйқучанлик, хотира пасайиши Рецидивланувчи нефролитиаз, нефрокальциноз Ўн икки бармок ичак ва ошқозон яраси рецидивланиши Ошқозон ости бези шикастланиши: сурункали панкреатит, панкреокалькулёз, панкреокальциноз асосланган.Гиперпаратиреозли беморларнинг 25% да нефролитиаз кузатилади ва кўпинча пиелонефрит билан кечади. Нефрокальциноз кам учрайди, лекин оғир кечади ва прогрессияланувчи буйрак етишмовчилигига олиб келади. БГП буйрак тош касаллиги беморларнинг 2-5% да кузатилади. Суякдаги ўзгаришлар 50% ҳолатларда кузатилади, бунда остеопоротик вариант, фиброз-кистоз остеит ва «педжетоид» вариантлар фарқланади. Рентгенологик текширувда диффуз остеопения кузатилади: панжаларда 40% , умуртқа поғонасида 20%. Оғир БГП да патогномоник субпериостал резорбция ва панжа, товон фалангалари акроостеолизи аниқланади. Оғир холатда скелет деформацияси, юришнинг ўзгариши ( ўрдаксимон), панжа патологик синишлари кузатилади. Кисталар, гигант хужайрали ўсмалар ва эпулидлар ҳозирги вақтда кам учрайди. Эпулидлар кистоз хосилалар бўлиб, кўпинча хавфли ўсмалар деб нотўғри аниқланади, натижада кераксиз операцияларга сабаб бўлади. Бўғимларда хондрокальцинозлар кузатилади. 83-расм. Бирламчи гиперпаратиреозда чаноқ суяк рентгенограммаси. Гигант кўп камерали киста. Гастроинтестинал симптоматика беморларнинг деярли ярмида кузатилади. Асосан анорексия, кўнгил айнаши, обстипация, метеоризм, озиш кузатилади. 10% ҳолатда ошқозон ёки ўн икки бармоқ ичак пептик яраси, 10% панкреатит, камроқ панкреокалькулёз ривожланади. Популяцияга нисбатан 2 марта кўп ўт-тош касаллиги учрайди. БГП нинг бошланғич даврида клиника турлича бўлади, бу эса диагноз қўйишни қийинлаштиради. Беморларни умумий ва мушаклардаги ҳолсизлик, ланжлик, адинамия, тез чарчаш безовта қилади. Касаллик формасига қараб эрта белгилари гастроэнтерологик (эпигастрийда ўткир оғриқ, иштаҳа пасайиши, кўнгил айнаши, баъзан ўткир қорин клиникаси, панкреатит, панкреокальциноз), урологик ( полиурия, нефролитиаз) бўлиши мумкин. Яққол симптоматика суяк системаси шикастланганда юзага келади: жағ суяклари остеопорози натижасида тишларнинг қимирлаши ва тўкилиши, юрганда суякларда оғриқ, кўкрак қафаси суяклари деформацияси, кўплаб патологик синишлар қайд этилади. Гиперпаратиреоз кардиоваскуляр белгиларига артериал гипертензия ва аритмия киради. Гиперпаратиреоз белгилари минимал ривожланган беморларда ҳам чап қоринча гипертрофиясининг кузатилиши, ўлим даражасини оширувчи омиллардан бири ҳисобланади. Психоневрологик бузилишлар узоқ вақт касалликнинг ягона белгиси бўлиши мумкин ва бу депрессиядан деменциягача кузатилиши мумкин. Умуртқа поғонасидаги ўзгаришлар ва илдизчали бузилишларнинг юзага келиши тортилиш симптоми, чаноқ, оёқлар параличи ва парестезияларга олиб келади. Психик қўзғалишлар гиперпаратиреоид ( гиперкальциемик) криз учун характерли. Гиперкальциемик криз ҳозирги вақтда БГП ли беморларда 5% кам ҳолатларда учрайди. Криз қонда кальций микдори 4 ммоль/л бўлганда юзага келади ва узоқ вақт ётоқ режим, тиазид диуретиклар, кальций ва витамин Д препаратлари қабул қилганда хуруж қилади. Бу препаратларнинг тайинланиши шифокорлар томонидан остеопорознинг специфик генези аниқланмаслиги натижасида кузатилади. Клиник гиперкальциемик криз гиперпаратиреоз симптоматикасига марказий нерв системаси шикастланиш белгиларининг қўшилиши (уйқучанлик, ступор, кома, психоз) ва ошқозон-ичак тракти зарарланишининг кучайиши(анорексия, кўнгил айнаши, ич қотиши, қусиш, чанқаш, эпигастрал соҳада оғриқ) билан характерланади. Кучли ҳолсизлик, сувсизлик, анурия, коматоз ҳолат тез ривожланиб боради ва буни бошқа генезли комадан фарқлаш қийин бўлади. Оғир неврологик асорат проксимал қисмлар, қовурғалараро мушаклар ва диафрагма миопатиясида юзага келади, натижада бу ҳолат беморларни сунъий ўпка вентиляциясига ўтказишга кўрсатма бўлади.Иситманинг 38-39 0С га кўтарилиши ҳам хос. Ташхислаш.БГП диагностикаси клиник, лаборатор ва инструментал текширувларга асосланади. Лаборатор текширувларда БГП да гиперкальциемия 90% ҳолатда аниқланади. 70 % ҳолатда гипофосфатемия билан кузатилади. Бундан ташқари гиперкальциурия ва гиперфосфатурия, ишқорий фосфатазанинг ошиши, сийдик орқали гидроксипролин ва цАМФ экскрециясининг ошиши аниқланади. БГП учун нафақат суяк резорбциясининг кучайиши, балки суяк хосил бўлишининг ошиши хам хос, яъни суякларда алмашинувнинг ошиши, остеокальцин миқдорининг ошиши кузатилади ва бу остеобластик функция маркери хисобланади. БГП диагнози қонда паратгормон интактлигининг аниқланиши билан тасдиқланади ва 90 % ҳолатда кузатилади. БГП рентгенологик маркери остеопороз аниқланиши бўлиб, у суяклар кортикал қисми емирилиши, деформациялар, кисталар, шишлар ҳосил бўлиши билан характерланади. Субпериостал резорбция белгилари ҳам хос: суяклар суяк парда ости сўрилиши, асосан панжаларда сезиларли бўлиши қайд этилади. Рентгенологик ўзгаришлар 3 типга бўлинади: 1) остеопоротик ( тарқоқ остеопороз); 2) классик (osteodistrophia fibroza cystica generalisata) остеопороз фонида киста, деформация, субпериостал резорбция, фиброз- кистоз остеитларнинг аниқланиши; 3) педжетоид, бунда компакт қават емирилмасдан, балки нотекис қалинлашади, калла суягида «пахтасимон расм» юзага келади. Рентгенологик ва УТТ да нефрокальциноз ва нефролитиаз аниқланиши мумкин. Гиперкальциемия классик ЭКГ белгилари Q-T интервал қисқариши, S-T депрессияси, AV блокада ҳисобланади, ЭхоКГ да чап қоринча гипертрофияси, миокардда кальцинатлар аниқланади, БГП исботлангач, шифокор қалқонолди безининг топик диагностикасини ўтказиши керак. Бунда энг информатив усул УТТ ҳисобланади. Инвазив текширув усуллари БГП ташхиси қўйилгач, ноинвазив усуллар билан топик диагностика қилиб бўлмаганда қўлланилади ва бу носелектив артериография контраст билан ва веналарни катетерлаб паратгормонни селектив аниқлашни ўз ичига олади. Дифференциал диагностикада метаболик остеопатия ва бошқа гиперкальциемия билан кузатиладиган ҳолатлар мустасно қилиниши керак. Хавфли ўсмалар, асосан ўпка саратони, миелом касаллигида гиперкальциемия синдромининг асосий сабаби (60%) ҳисобланади. Гиперкальциемия тарқоқ суяклар метастазланишида остеолитик генезга эга бўлади ва ўсма ҳужайралари томонидан паратгормон ўтмишдоши пептид ишлаб чиқарилиши натижасида паранеопластик бўлиши, ҳамда 90% ҳолатда унинг микдори ошганлиги аниқланиши мумкин. Миелом касаллигида пептид аниқланмайди, қонда ЭЧТ ошганлиги, сийдикда Бенс- Джонс оқсили, қон зардоби электрофорезида М-градиент ошганлиги, паратгормон микдори эса ошмаганлиги кузатилади. Касаллик иккиламчи, учламчи гиперпаратиреоз, тиреотоксикоз, буйрак етишмовчилиги билан дифференциал диагностика қилинади. Бунда БГП ни фарқловчи асосий белгилар анамнез, суяклардаги ўзгаришлар ва кальций микдорининг ўзгариши, иккиламчи ва учламчи гиперпаратиреозда кальций микдори нормада бўлади. Медикаментоз гиперкальциемия витамин Д ва А кўп қабул қилганда, тамоксифен, тиазид диуретиклар билан даволанганда келиб чиқади. Педжет касаллигини ( деформацияловчи остеит) гиперпаратиреоз «педжетоид» формасидан фарклаш зарур. Педжет касаллигида кальций, фосфор ва паратгормон микдорини нормаллаштириш мумкин бўлади. БГП яширин формаларини оилавий хавфсиз гипокальциурик гиперкальциемиядан фарқлаш лозим, бу кальцийга сезгир рецептор кодланган ген мутацияси натижасида келиб чиқади. Бу ҳолатда паратгормон миқдори нормада, гиперпаратиреоз соматик белгиларива суяклардаги ўзгаришлар бўлмайди. Охирги йилларда БГП га унчалик хос бўлмаган симптомлар депрессия, ҳолсизлик, уйқу ва хотиранинг бузилиши билан кечувчи субклиник (юмшоқ) шакллари аниқланмоқда.Субклиник БГП нисбатан кўп, асосан ёши катталарда учрайди ва диагностикаси қийин бўлган ҳолат ҳисобланади. Даволаш. Паратиромада оператив даво ўтказилади. Паратиромани олиб ташлаш операцияси узоқ вақт талаб қилмайди ва 90% вақт ўсмани аниқлаш учун сарф қилинади. Яққол клиник кўринишда (висцеропатик, суяк шаклида), лаборатор кўрсаткичлар билан тасдиқланганда (гиперкальциемия, интакт паратгормон миқдорининг юқорилиги) муаллифлар топик диагностикаси аниқ бўлмаса ҳам оператив даво тайинланади, чунки 80% аденома топик жойлашади ва уни операция жараёнида аниклаш, операциядан олдин излашдан осонроқ ҳисобланади. Ёшларда ва соматик соғлом беморларда клиник яққол гиперпаратиреоз ва БГП беморлар ҳаётини сақлаш мақсадида операция тавсия этилади. Тасодифан аниқланган, симптомсиз ва 50 ёшдан ошган БГП ли беморларда жарроҳлик амалиётига кўрсатма: ● остеопорз кучайиши( Т-критерий 2,5 SD дан кам) ● ионлашган кальций микдори 3 ммоль/л дан юқори(12мг/дл), кальциурия (10 ммоль/сут ёки 400 мг/24 с дан юқори) ёки оғир гиперкальциемия эпизодларининг кузатилиши; ● БГП асоратларининг ривожланганлиги (фиброз периостит, нефрокальциноз); ● ёш нормасига нисбатан креатинин клиренси 30 % дан кам бўлганда. Агар оператив муолажа ўтказиш мумкин бўлмаса, беморлар етарли миқдорда суюқлик қабул қилишлари керак, дегидратация ва гиподинамия бўлмаслиги керак. Уларга юрак гликозидлари ва тиазид диуретиклар тавсия этилмайди. Беморлар АҚБ назорат килиниб, постменопауза давридагилар учун эстрогенлар тавсия қилинади. Ҳар 6 ойда беморларда қуйидагиларни аниқлаш керак: кальций миқдори, плазма креатинини, креатинин клиренси, кальций экскрецияси миқдори. Ҳар йили қорин бўшлиғи органлари УТТ текшируви ва суяклар денситометрияси ўтказилади. Қалқонолди бези гиперплазиясида тотал тиреоидэктомия - безни чўзинчоққилиб билак соҳасига ўтказиш амалиёти бажарилади. Гиперпаратиреоз бартараф этилгач, остеопороз узоқ вақт давомида даволанади. Гиперпаратиреозда гиперкальциемик криз давоси оператив амалиётга тайёргарлик билан биргаликда олиб борилади. Давонинг I босқичида регидратация натрий хлорид изотоник суюқлиги 2-4 л ( 1л/соат), сўнг бисфосфонатлар (памидронат ёки этидронат ) қон томирларига вена ичига 4-24 соат давомида юборилади. Ҳужайралараро суюқлик йўқотилиши мумкин бўлганлиги учун I босқичда қовузлоқли диуретиклар (фуросемид) берилмайди. Электролитлар миқдори назорати билан регидратациядан 30 минутдан сўнг фуросемид вена ичига юборилади. Криз пайтида кальцитонин 4-8 МЕ/кг хар 6-12 соатда мушак орасига қилинади. Агар қон зардобида ноорганик фосфор миқдори 1 ммоль/л дан кам бўлса( норма 1- 1.5 ммоль/л), фосфор тузлари препаратлари берилади. Агар гиперкальциемик криз хавфли ўсмаларнинг остеолитик метастазлари натижасида юзага келса, цитостатик митромицин берилади. Агар гиперкальциемик криз витамин Д препаратлари жуда кўп қабул қилиш натижасида бўлса, глюкокортикоидлар берилади. Агар криз буйраклар етишмовчилиги натижасида бўлса, кальцийсиз буферли гемодиализ тавсия этилади. Кальцийнинг суяклардан ювилишининг сусайиши ва суякка кальций келишининг ортишини таъминлайди. а. Кальцитонин остеокластлар фаоллигини сусайтиради ва кальцийнинг буйрак каналчаларидаги реабсорбциясини камайтиради. Бундан ташқари у остеобластлар фаолиятини стимуллайди ва суяк тўқимасида кальций утилизациясини кучайтиради. Препарат киритилганидан 2-4 соат ўтиб, қонда кальций миқдори камаяди. Кальцитонин таъсир давомийлиги узоқ эмас ва 6- 8 соат давом этади. Лосос ва одам кальцитонини деярли бир хил самарага эга. Кальцитонин мушак ичига ва тери остига юборилади. Бошланғич доза: 6-8 Бирлик. Суткалик максимал доза: 32 ЕД. Дозалар ҳар 6-12 соатда қайтадан тақсимланади ва юборилади. Баъзида препаратнинг самарадорлиги даволаш 3 суткадан кўпроқ муддатда ўтказилганда сусаяди. Кальцитониннинг самарадорлигини пасайишини глюкокортикоидлар билан профилактика қилса бўлади (преднизалон, 30-60 мг/сут). Кальцитониннинг глюкокортикоид билан комбинацияланган терапияси қонда калций миқдорини бир неча ҳафтагача кам миқдорда сақлаб туришга ёрдам беради. Кальцитониннинг аэрозол кўринишдаги препаратлари мавжуд бўлиб интраназал юборишга мўлжалланган. Ректал шамча кўринишдаги турлари ҳам мавжуд. Одатда кальцитонин плазмадаги кальций миқдорини камайтиради. Кальцитониннинг асосий афзаллиги паст токсиклиги. Препарат витамин Д ёки узоқ давом этувчи кам ҳаракатлик натижасида юзага келувчи гиперкальциемияда фойдали ҳисобланади. б. Дифосфонатлар. Бу препаратлар структураси бўйича пирофосфат метаболитларига ўхшаш бўлади. Барча дифосфонатлар суяк тўқимасининг гидроксиапатит моддаси билан бирлашади ва унинг эрувчанлигини камайтиради. Шунингдек бу модда остеокластларнинг фаоллигини камайтириш хусусиятига ҳам эга. Дифосфонатларнинг 1- авлодига клодрон ва этидрон кислотаси, иккинчи авлодга эса памидрон, алендрон ва тилудрон кислоталарининг ҳосилалари киради. Иккинчи авлод препаратлари кам токсик; улар фақат суякларнинг резорбциясини сусайтиради, остеоблатлар фаолиятини эса кучайтиради. ИККИЛАМЧИ ВА УЧЛАМЧИ ГИПЕРПАРАТИРЕОЗ Этиологияси. Классификация бўйича иккиламчи гиперпаратиреоз (ИГП) келиб чиқишининг асосий сабаби буйраклар етишмовчилиги ва ошқозон ичак системаси касалликлари ҳисобланади. ИГП 2 хил бўлади: 1. Буйрак фаолияти билан боғлиқ; 2.Интестинал. Гемодиализ қўлланиши, ҳамда сурункали буйрак етишмовчилиги билан беморлар яшаш муддати узайганлиги учун ИГП анча камайган. Патогенези. Беморларни гемодиализга ўтказилиш вақтида суяк тўқималаридаги ўзгаришлар гистологик жиҳатдан 90 % да учрайди. ИГП ривожланиши СБЕ билан оғриган беморларда буйракларда фаол Д 3 витамини ( 1.25-(ОН)-Д3) пайдо бўлишининг бузилиши натижасидир. Ноорганик фосфорнинг плазмадаги миқдорининг прогрессив кучайиши коптокчалар фильтрациясининг 60 мл/мин ва ундан кам миқдорга камайиши билан бошланади.Паратгормон секрециясини гиперкальциемия стимуляция қилади. Буйраклар остеопатияси бу остеомаляция комбинацияси бўлиб, паратгормон гиперпродукцияси, витамин Д3 дефицити ва суяклар резорбцияси кучайиши натижасидир. ИГП интестинал формасининг патогенези асосида кальций ва витамин Д3 мальабсорбцияси ётади, бу эса қалқонолди бези гиперстимуляциясига олиб келади. Беморларда гастроэктомиядан кейинги остеопатия 30% ҳолатда учрайди. Бильрот II ва тотал гастрэктомия операцияси ўтказилган беморларда Бильрот I ўтказилган беморларга нисбатан остеомаляция ривожланиш хавфи юқори. Жигар касаллигида ИГП ривожланиши холекальциферолни 25-ОН-Д3 га айланишининг бузилиши билан боғлиқ. Бу асосан бирламчи билиар циррозда кузатилади. Учламчи гиперпаратиреоз патогенези қалқонолди бези автоном гиперфункцияси ривожланиши : ( гиперфункция—гиперплазия— ўсма) кальций микдори ва паратгормон ўртасидаги қайтар механизмнинг бузилиши билан боғлиқ бўлиши мумкин. Бундан ташқари паратгормон миқдорининг ошиши ва унга бўлган эҳтиёжнинг камайишига ҳам катта аҳамият берилади. Бундай ҳолат сурункали буйрак етишмовчилиги бўлган ИГП ли беморларда буйрак трансплантацияси ўтказилганда юзага келади. Клиник кўриниши. Иккиламчи ва учламчи гиперпаратиреозда асосий касаллик кўпинча сурункали буйрак етишмовчилиги симптомлари устунлик қилади. Хос симптомлар бўлиб , суякларда оғриқ , мушаклар проксимал қисмида ҳолсизлик , артралгия ҳисобланади. Суяклардан ташқари кальцинатлар турли клиник кўринишга эга бўлади. Артериялар кальцификацияси натижасида ишемик ўзгаришлар юзага келади. Қўл ва оёқларда периартикуляр кальцинатлар аниқланиши мумкин. Конъюктива ва шох парда кальцификацияси қайталанувчи конъюктивит билан кузатилганда « қизил кўз» синдроми юзага келади. Ташхислаш. ИГП манифестацияси даврида сурункали буйрак етишмовчилиги белгилари бўлгани учун дифференциал диагностика қийинчилик туғдирмайди. СБЕ да буйрак остеодистрофиясини диализ амилоидозидан (суяк ва бўғимларда В2- микроглобулин амилоидининг тўпланиши), бунда плазмада В2-микроглобулин миқдорининг ошиши ва алюмин остеопатиясидан фарқлаш лозим. Лаборатор текширувларда гиперфосфатемия, нормал ёки пасайган кальций микдори, ишқорий фосфатазанинг юқорилиги 1.25-(ОН)2-Д3 паст миқдори аниқланади. Буйрак остеопатиясининг бошланишида қон плазмасида интакт паратгормон миқдорининг ошиши ИГП маркери бўлиб ҳисобланади. ИГП нинг типик рентгенологик белгиси панжа суяклари (акроостеолиз), билак ва чаноқ -сон бўғимларининг субпериостал ва субхондрал резорбцияси ҳисобланади. Даволаш ва профилактикаси. Сурункали буйрак етишмовчилигида плазмада ноорганик фосфор миқдорининг 1.5 ммоль/л дан юқори бўлиши остеопатия профилактикаси учун кўрсатма бўлади. Бунда кальций тутувчи препаратлар, фосфат боғловчи (кальций глюконат, лактат, цитрат) ва алюминийни фосфат боғловчи препаратлари берилади. Бундан ташқари, назорат остида 1.25(ОН)2Д3 препаратлари берилади ва сийдик орқали кальций экскрецияси кузатилади, у 300 мг дан суткасига ошмаслиги керак. Учламчи гиперпаратиреозда, автоном аденома юзага келганда, оператив даво кўрсатма ҳисобланади. Гипопаратиреоз Гипопаратиреоз – қалқонолди бези функциясининг етишмаслиги ёки пасайиб кетиши натижасида паратгормоннинг етишмовчилиги оқибатида келиб чиқувчи касаллик ва бу амалиётда гипокальциемия синдроми сифатида юзага келади. Турли генездаги гипопаратиреоз 0,2-0,3% аҳолида учрайди. Гипопаратиреоз таснифи:  Операциядан кейинги гипопаратиреоз;  Идиопатик (аутоиммун) гипопаратиреоз;  Яккаланган;  Аутоиммун полигландуляр синдром – I тип шаклида;  Қалқонолди безини нурланиши натижасида инфрақизил факторларни таъсири, амилоидоз, безнинг гормонал-ноактив ўсмасига қон қуйилиши натижасида юзага келувчи гипопаратиреоз;  Қалқонолди бези ва айрисимон без аплазияси натижасида юзага келувчи гипопаратиреоз. Этиологияси. Операциядан кейинги гипопаратиреоз кўп учрайди. Бундай ҳолат безнинг тўлиқ олиб ташланганидан эмас, балки оператив майдонда клетчатка фибрози натижасида безнинг қон билан таъминлаши бузилиши натижасида келиб чиқади. Операция қилувчи малакали хирурглар қалқонсимон безни операциядан кейинги гипопаратиреоз 2%дан, қайта операцияларда 5-10%дан ошмаслиги керак. Идиопатик гипопаратиреознинг спорадик формалари кўпроқ ёшларда учрайди. Шуни эсда тутиш лозимки, идиопатик гипопаратиреознинг манифестацион шакллари I-III аутоиммун полигландуляр синдромда (кандидополиэндокрин синдром) учрайди. Бунда Уайтекер триадаси намоён бўлади: гипопаратиреоз, шиллиқ-терили кандидоз, бирламчи гипокортицизм. Триаданинг биринчи 2та компоненти 10-12 ёшлардаги болаларда учрайди. Кейинчалик гипокортицизм ва шунингдек бошқа аутоиммун эндокрин(I типдаги қандли диабет, бирламчи гипогонадизм) ва ноэндокрин касалликлари (аутоиммун гепатит, мальабсорбция) қўшилади. Кам учрайдиган, гипопаратиреоз билан кечувчи касалликлардан яна бири Ди Джорджи (Di George) синдромидир. Бу синдромда қалқонолди бези агенезияси, айрисимон безнинг аплазияси ва туғма юрак нуқсонлари бирга келади. Гипопаратиреознинг кам учрайдиган хилларидан бири бўйин соҳасидаги ўсмадан қалқонолди безининг жароҳатланиши натижасида, гемахраматозда, амилоидоз натижасида келиб чиққан шаклларидир. Чала туғилган болаларда қалқонолди безининг нотўлиқ ривожланиши натижасида юзага келувчи неонатал транзитор гипопаратиреоз учрайди. Гипопаратиреознинг функционал шакллари узоқ муддат гипомагниемия кузатилганда келиб чиқади. Магний мальабсорбциясида, (мальабсорбция синдроми, сурункали алкоголизм), узоқ муддат диуретиклар қабул қилинганда ҳам кузатилади. Патогенези. Паратгормоннинг етишмаслиги натижасида буйракларга паратгормоннинг фосфатурик таъсири пасаяди ва қонда фосфор миқдори ошади, ичакларда кальций сўрилиши пасайиши, суяклардан унинг мобилизациясини пасайиши ва паратгормонни назорат қилувчи 1,25 (OH2) D3 синтезининг сусайиши, буйрак каналчаларида Ca2+ нинг реабсорбциясини етишмаслигига олиб келиб, гипокальцинемия билан ифодаланади. Шундай қилиб, гипопаратиреоздаги гипокальциемиянинг ўзига хос томони гипофосфатемия билан боғлиқлиги ҳисобланади. Гипокальциемия билан кечувчи касалликларда (витамин D га резистентлик ёки танқислиги) иккиламчи гиперпаратиреоз, гипофосфатемия ривожланади. 63-жадвал. Гипокальциемия ва гипофосфатемия ҳужайра мембранасини ўтказувчанлигини универсал равишда бузилишига, яъни нерв-мушак ўтказувчанлигини ошишига ва талваса тайёргарлигини, вегетатив лабилликка, шунингдек ички ва йирик қон томир деворларига кальций тузларини ўтириб қолишига олиб келади. Клиник кўриниши. Гипопаратиреознинг асосий клиник белгилари нервмушак ўтказувчанлигини оширувчи ва умумий вегетатив реактивликни, талваса активлигини оширувчи гипокальциемия ва гиперфосфатемия билан ифодаланади. Гипопаратиреознинг латент ва яққол шакллари фарқланади. Латент гипопаратиреоз аниқ симптомларсиз кечади, фақатгина авж олувчи омиллар билан ёки махсус текширувлар натижасида аниқланади. Бир тарафдан, операциядан кейинги гипопаратиреоз авж олиши ёки операциядан кейин 10- 15 йилдан сўнг тўсатдан аниқланиши мумкин. Бошқа тарафдан эса гипокальциемия ўткир ривожланганда, масалан, қалқонсимон без экстирпациясидан бир неча кундан сўнг аниқланади. Гипопаратиреознинг классик симптоми парестезия билан, вегетатив бузилишлар, шунингдек трофик бузилишлар билан бирга кечувчи скелет мушакларини тетаник талвасаларидир. Скелет мушакларини талвасавий қисқаришлари (гипокальциемик тетания) идиопатик шаклларида 75% ҳолатда, операциядан кейинги ҳолатда – 40% ҳолатда учрайди. Парестезия ва фибрилляр тортишишлар оғриқли тоник талвасаларга алмашади, эс-ҳушнинг аниқлиги сақлангани ҳолда, симметрик равишда қўл-оёқлар, юз мушакларига (“акушер қўли”, “от туёғи”, “балиқ оғзи”), кам ҳолларда умуртқани букувчи мушакларга (опистотонус) тарқалади. Хвостек симптоми (n.facialis чиққан жой уриб кўрилганда мимик мушакларнинг қисқариши) ва Труссо симптоми (елкани тонометр манжети билан сиқилгандан 2-3 мин.дан сўнг “акушер қўли”нинг пайдо бўлиши) классик ва энг кўп учрайдиган, лекин гипопаратериоз учун специфик бўлмаган симптом ҳисобланади. Силлиқ мушаклар спазмлари ларинго ва бронхоспазм билан, дисфагия, кўнгил айниши, қайт қилиш, ич кетиш билан намоён бўлади. Исиш, қалтираш, юрак уриб кетиши, юрак соҳасида оғриқ гипопаратериознинг вегетатив белгилари бўлиб ҳисобланади. Эпилептик тутқаноқлар тетаник талвасалар эквиваленти ҳисобланиши мумкин. Шунга боғлиқ равишда беморларга айрим ҳолларда эпилепсия ташхиси адашиб қўйилади. Гипокальциемиянинг специфик ЭКГ белгилари йўқ, қоидага кўра Q-T интервалининг узайиши кузатилади. Гипопаратиреозли беморларда офтальмологик текширувда катаракта, бош мия МРТ текширувида – базал ганглиялар кальцификацияси кузатилиши мумкин. Базал ганглиялар кальцификацияси (Фара касаллиги) кекса ёшдаги беморларда бош мия КТ ёки МРТ текширувида энг кўп (1-2%) тасодифий аниқланади. Базал ганглиялар кальцификацияси клиник манзараси экстрапирамидали симптоматика хореатизм билан ёки паркинсонизм сифатида намоён бўлади. Гипопаратиреознинг яна бошқа кўп учрайдиган трофик бузилишларига соч, тирноқ ўсишининг бузилиши, тиш эмали дефектлари, терининг қуриши, остеосклероз киради. 84-расм.Гипопаратиреозда А-Хвостек симптоми; В-Труссо симптоми. 64-жадвал. Гипопаратиреознинг клиник симптомлари Турли мушак гуруҳларининг талвасавий тортишишлари Скелет Фибрилляр тортишишлар, тоник талвасалар, парестезиялар Меъда-ичак тракти Дисфагия, қусиш, ич кетиши, қабзият Нафас Ларинго- ва бронхоспазм Вегетатив бузилишлар Қизиб кетиш, қалтираш, бош айланиши, юрак соҳасида оғриқ, юрак уриб кетиши. Трофик бузилишлар Катаракта, тиш эмали дефектлари, тирноқлар синиши, соч ўсишини бузилиши, эрта соч оқариши Руҳиятнинг ўзгариши Неврозлар, хотиранинг сусайиши, уйқусизлик, депрессия, психозлар, эпилептик шаклли ҳуружлар 85-расм.Гипопаратиреозда Труссо симптоми. Диагностикаси. Анамнезда қалқонсимон безда ўтказилган операция асосий диагностик аҳамиятга эга ҳисобланади. Лаборатор диагностика гипокальциемия ва гиперфосфатемияга қаратилган, чунки креатинин ва альбумин миқдори нормал кўрсаткичларда бўлганда гипопаратиреоз ташхиси етарлича аниқ бўлади. Бундан ташқари гипопаратиреозга гипомагниемия, гиперкальциурия, фосфор ва цАМФни сийдикдан экскрециясини пасайиши, интакт паратгормоннинг плазмадаги миқдорини пасайиши хос. Гипопаратиреозда беморга паратгормон юборилганда фосфатнинг сийдик билан экскрецияси 10 баробар ошади (Элсворт-Ховард синамаси). Гипопаратиреозни талваса синдроми билан кечадиган бошқа касалликлардан, шунингдек гипокальциемия билан кечадиган катта гуруҳ ҳолат ва касалликлардан қиёсий ташхислаш лозим. Барча муддатига етиб туғилган чақалоқларда гипокальциемия ривожланганда онанинг қонида кальций миқдорини субклиник гиперпаратиреозни аниқлаш мақсадида текшириш лозим. Бундай ҳолатда онадаги гиперкальцинемия ҳомилада қалқонолди бези функциясини пасайтиради. Қалқонсимон безда операция ўтказган беморларда турғун ва ўтиб кетувчи гипопаратиреозни қиёслаш лозим. 4 ҳафтадан ошмайдиган ўтиб кетувчи гипопаратиреозни сабаби, қалқонолди безининг қон билан таъминланишини қайтар бузилишлари, шунингдек қонга кўп миқдорда кальцитонин тушиши ҳисобланади. Қоидага кўра турғун ва ўтиб кетувчи гипопаратиреозда ҳам операциядан кейинги 1-2 суткадаёқ гипокальциемия талваса синдроми билан бирга намоён бўлади. Агар операциядан кейин гипокальциемия паратгормоннинг адекват кўтарилишисиз 4-12 ҳафта сақланиб турса, турғун гипопаратиреоз тўғрисида ўйлаш мумкин. 65-жадвал. Изох: + - аниқланади; ++ -тезда ривожланади; ↓ -камайиш кўрсаткичи; ↑ -ортиш кўрсаткичи; H-норма; Ca- кальций; P- фосфор. Бу муддат оралиғида беморларга монотерапия сифатида кальций препаратларини, турғун гипопаратиреоз ташхиси аниқланганда эса витамин D ни бериш лозим. Оғир гипокальциемия катта миқдорда ҳужайра массалари нобуд бўлганда юзага келади. Типик клиник мисоллар бўлиб, ўткир панкреонекроз, хавфли ўсманинг омадли цитостатик терапиядан сўнг парчаланишидан, жароҳатлардан сўнгги оғир рабдомиолизда, оғир талвасали тутқаноқлардан сўнг, интоксикация жараёнлари ҳисобланиши мумкин. Бу ҳолатларда оғир гипокальциемиядан ташқари гипофосфатемия, ҳужайра ичи ферментларининг юқори даражаси (лактатдегидрогеназа, креатинкиназа ва бошқалар) ва сут кислотаси миқдорининг баланд бўлиши, яққол ацидоз Касаллик симптомлари Тутқаноқ лар Қонзардобидаги консентрацияси Суяклар ҳолати Ca P ШФ ПТГ Гипопаратиреоз ++ H H Псевдогипопаратиреоз ++ H H Остеодистрофия ёки юмшоқ тўқималар кальцификацияси ОИТ касалликларида малабсорбсия синдроми, гиповитаминоз D ++ H H H Хомиладорлик ва лактация даврида Caва витамин D етишмовчилиги + H H H H ёки остеомаляция Алкалоз, тўхтовсиз қайт қилиш, гипервентиляция + H H H H H Эпилепсия ++ H H H H Асосан H, баъзан остеопороз Гипогликемик синдром + H H H H H учраши мумкин. Гипопаратиреознинг кўпгина симптомлари гипервентиляцияли тетанияда ҳам учраши мумкин. Шунга боғлиқ равишда идиопатик гипопаратиреозда қоннинг газли таркиби текширилиши мақсадга мувофиқ. Давлаш. Гипопаратиреознинг давоси 2 га бўлинади: гипокальциемик кризни даволаш ва ушлаб турувчи терапия. Тетаник кризни бартараф этиш учун 10-20 мл лик10% ли кальций глюконат қўлланилади. 10 мл да 90 мг элементар кальций мавжуд. Кальций глюконатни аста-секин вена ичига юбориш лозим. Плазмада кальций миқдори 2 ммоль/л ва ундан кўпроқ бўлганда симптомлар бартараф бўлади. Юрак гликозидлари қабул қилаётган беморларга кальций препаратларини эҳтиётлик билан бериш лозим, бундай ҳолатда вена ичига кальций препаратларини юборилиши тавсия қилинмайди. Сурункали ушлаб турувчи терапияда кальций препаратлари ва D витамини қўлланилади. Дастлаб кальций препаратлари монотерапия сифатида қўлланилади. Кўпгина беморларда шу терапия фонида касалликнинг компенсация даражасига эришилади ва бундай ҳолатда D витаминининг содир бўлиши мумкин бўлган асоратлари ҳам бартараф этилади. Кальций тузлари препаратларидан глюконат, цитрат, лактат, хлорид ва карбонатларни тавсия этса бўлади. Препарат дозасини аниқлаётганда элементар кальцийнинг шу тузлардаги миқдори муҳим роль ўйнайди. 1 г элементар кальций 2,5 г кальций карбонатда, 5 г кальций цитратда, 4 г кальций хлоридда ва 11 г кальций глюконатда мавжуд. Одатий ушлаб турувчи доза суткасига 1-1,5 г элементар кальцийга тўғри келади. Касалликнинг компенсация даражасига эришиб бўлмаса, қўшимча равишда D витамини препаратларини бериш мумкин: дигидротахистерол (АТ – 10, тахистин) 0,5 – 2 мг кунига (12 – 40 кал) холекальциферол (вигантол, кальцинова) 25000 – 75000 МЕ (40000 МЕ=1 мг); 1  OHD3 ( - D3 – тева, оксидевит, ванальфа,  - кальцидиол) 2-4 мкг кунига 1,25 (OH)2 D3 (рокальтрол) 1-3 мкг кунига. Қон плазмасидаги кальций миқдори ва унинг сийдик билан экскрецияси гипопаратериознинг назорат курсаткичи ҳисобланади. 86-расм.Кальций ва Д витамини саыловчилар. Псевдогипопаратиреоз ва псевдопсевдогипопаратиреоз. Псевдогипопаратиреоз ( Олбрайтнинг туғма остеодистрофияси) – жуда кам учрайдиган ирсий синдром бўлиб, паратгормонга тўқима резистентлиги, қалқонсимонолд бези катталашиши, паст бўйлилик ва суяк аномалиялари (кафт ва панжа суяклари калталиги) билан характерланади. Псевдогипопаратиреоз (ПГПТ) — биринчи эндокрин касаллик бўлиб, унинг мисолида гормон секрецияси ва плазмадаги микдори ўзгармаган бўлишига қарамасдан, унда тўқима сезгирлиги ўзгариши мумкинлиги исботланди. Патогенетик жиҳатдан куйидаги турлари фарқланади: 1 -чи (1а,1в,1с) ва 2-чи. ПГПТ нинг турини аниқловчи текширув мавҳум бўлиб қолмоқда. Олбрайт остедистрофияси бўлган шахсларда 2- хромосоманинг узун елкаси делецияси кузатилади. Эркак ва аёлларда кузатилиши нисбати2:1. ПГПТ нинг 1а турида 50% ҳолатда паратгормоннинг аденилатциклазрецептор комплексида Gs- суббирлиги фаоллигининг камайиши аниқланган. Бу дефект фақатгина буйрак рецепторларига хос бўлмай, балки бошқа гормонлар рецепторларида ҳам кузатилади. ПГПТ 1-тури кўпинча бошқа оқсил табиатли гормонларга ҳам резистенлик билан тушунтирилади (нефроген қандсиз диабет, гипогликемик синдром). ПГПТ нинг 1а турига куйидаги фенотипик белгилар характерлидир: ойсимон юз, паст бўйлилик, семизлик, кафт ва панжанинг IV ва V бармок суякларининг калталиги, гетереотроп тери ости кальцинатлари ва экзостозлар. Кўп ҳолларда ақлий заифлик кузатилади. ПГПТ нинг 1в турида Gs-суббирлик фаоллиги ўзгармаган бўлади. ПГПТ нинг ривожланиши паратгормон рецепторининг дефектига боғлиқ. ПГПТ нинг 1с турида хам Gs- суббирликнинг фаоллиги ўзгармаган, дефект аденилатциклазанинг каталитик суббирлигида бўлиши мумкин. ПТ 2-чи турида паратгомон рецептори — аденилатциклаза комплекси нормал бўлиб, паратгормоннинг кириши билан цАМФ га боғлиқ бўлган ҳужайравий жавоби бузилган. Паратгормон экзоген йўл билан киргизилганда, сийдикда цАМФ микдори ортади, аммо фосфатлар миқдори ўзгармайди. Пседогипопаратиреоз (ППГПТ) псевдогипопаратиреознинг биохимик маркерларисиз фенокопияси ҳисобланади. Беморларда қонда кальций миқдори нормал бўлиши ва паратгормонга цАМФ нинг нормал жавоби бўлишига карамасдан фенотипик жиҳатдан (Олбрайт остеодистрофияси) цАМФ нинг la турига хос кўринишда бўлади. Баъзи беморлар ПГПТ 1а тури билан оғриган беморларнинг яқин қариндошлари бўлишади.Кўпинча беморларга бирламчи ППГПТ ташхиси қўйилганда кейинчалик енгил гипокальциемия кузатилиб, ППГПТ ҳам цАМФ 1а турининг бир вариант эканини тасдиқлайди (1-жадвал).1-жадвал. ПГПТ нинг асосида оилавий анамнез ва ривожланиш аномалияси ПГПТ 1 a турига хос гипотиреозга тегишли биохимиявий белгиларнинг мавжудлиги (гипокальциемия, гиперфосфатемия) ётади. ПГПТ барча турларида 1а ва 1с дан ташқари, характерли феногапик (Олбрайт остедистрофияси) белгилар кузатилмайди. Кўп холларда беморларда интакт-паратгормон микдори баланд бўлади,бу эса гипопаратреозни цАМФ фарқлашда ёрдам беради. ПГПТ нинг турларини ўзаро фарқлашда паратгормон синамаси ҳамда цАМФ ва фосфатлар экскрециясини аниқлаш ёрдам беради. Даволаш. ПГПТ барча турларида D витаминининг кальций билан бирга берилиши тавсия этилади. 66-жадвал. Псевдогипопаратиреоз турлари. Синдром цАМФ экскрецияси ва ПГкиришига жавоби ПГкиришига фосфатлар экскреция си Бошка гормонларга резистентлиги Олбрайт дистрофияси Патогенез ПГПТ 1 а 4 4 + + Gs-суббирлик дефекти ППГПТ Норма норма - + Gs-суббирлик дефекти (?) ПГПТ 1 в 4 4 - _ Пг рецептори дефекти ПГПТ1 с 4 4 + + GsЦсуббирликнинг нормал функцияси ПГПТ 2 Норма 4 ПГ га цАМФ жавобининг дефекти